कालिका लघुवित्त वित्तिय संस्था लि. शाखा कार्यालय आर्यभञ्ज्याङ् द्वारा संचालित सदस्यता नं.३७.०२९.०१.१ को केन्द्र प्रमुख श्री बालकुमारी कँुवर एक सफल व्यवसायी हुनुहुन्छ । पाल्पा जिल्ला बगनासकाली गाउँपालिका ३ चौपारी बस्नुहुने बालकुमारी कँवर को २०६४ सालमा चिन बहादुर कँुवरसँग विबाह भएको थियो । र विबाह पश्चात उहाँको श्रीमान वैदेशिक रोजगारमा जान प्रयास गर्नुभयो तर घरको आर्थिक अवस्था निकै कमजोर भएको कारणले गर्दा श्रीमानलाई विदेश पठाउन समेत पैसा नभएको बताउनु भयो । त्यस पश्चात उहाँले कालिका लघुवित्तको बारेमा थाहा पाउनुभयो र सबै सेवा सुविधाहरुको बारेमा बुझ्दा निकै राम्रो मानेर गाउँमा दिदी बहिनी जम्मा बनाई ७ दिनको तालिम लिई २०७४।११।१५ गते यस संस्थामा आबद्व हुनुभयो ।
कालिका लघुवित्त वित्तीय संस्थामा आबद्व भई सुरुमा ५० हजार कर्जा लिई बाख्रापालन व्यवसाय सुरु गर्नु भएको थियो । बाख्रापालन व्यवसायबाट निकै राम्रो मुनाफा कमाउनु भयो र बिस्तारै व्यवसाय बढाउदै लानुभयो र उहांले बिस्तारै कर्जाको साईज बढाएर अन्य व्यवसाय सुरु गर्नुभयो । १ रोपनी जग्गामा सुन्तला लगाई सुन्तला खेतीबाट पनि राम्रो आम्दानी भएको बताउनु भयो । उहाँ भन्नुहुन्छ हातमा सिप जाँगर त थियो तर पैसाको अभावले गर्दा केही व्यवसाय गर्न सकेको थिइन कालिकाबाट कर्जा पाएकै कारणले गर्दा आफु आत्मनिर्भर बन्न सकेको कुरा बताउनु भयो । हाल उहाँको श्रीमान बैदेशिक रोजगार को शिलशिलामा अफ्रिकामा हुनुहुन्छ । आफुले गाउँमा व्यवसाय गरेर छोरा छोरी पढाउन र घर खर्च राम्रोसँग पुगेको र किस्ता तिर्न पनि सहज भएको कुरा बताउनुभयो ।
हाल उहाँले कालिका लघुवित्त वित्तीय संस्थाबाट ७ लाख कर्जा लिई बाख्रापालन व्यवसाय गर्नुभएको छ । उहाँ भन्नुहुन्छ हामी जस्तो थोरै पढेलेखेका गृहणी महिलाको लागी कालिका लघुवित्तले धेरै राम्रो गरेको छ । कालिका लघुवित्त प्रति उहाँ मात्र नभई त्यस समुहका अन्य सदस्य पनि धेरै सकारात्मक हुनुहुन्छ । अहिले कालिका लघुवित्त कै कारणले गर्दा उहाँको परिवार निकै खुशी र सुखी भएको कुरा बताउनुभयो ।